Quandu si dici a solidarietà

Era na iurnata calda, ma cusì calda chi si surava sulu a pinsari. U paisi era tutto ddurmintatu e in giru pi srati, non c’era mancu nu cani. Nc’era nu silenziu irreali e non si sintiva vulari mancu na musca, puru i cicali, sranamenti staunu zitti, pi non disturbari, e u mari era cusì calmu chi non si sintiva mancu nu respiru.
Ieu e Ginnaru erumu ssittati nto campu, i latu all’armacia i l’ortu ra Mmazzamamma, aundi ora nc’è a villa ru mericu P……..nia, a na para i metri ra casetta chi nc’era nta l’ortu i Tiresa a Liuni, vicinu o mari. Oziaumu, ovvero non faciumu ‘n cazzu e ndi staumu tranquillamenti stravaccati o friscu. Tuttu a un trattu a menzu a tuttu du silenziu, sintimmu nu gran bottu chi ruava ra nazionali, talmenti forti chi ndi fici satari pi l’aria. Istintivamenti ndi vutammu a guardari e vittumu, propriu sutta a vigna i masru Natali, u nonnu i Arcade, nu camiu chi rucciuliava nta l’aria. Senza pinsarci du voti, fuimmu pi viriri chi va succiurutu e pi fari prima nchianammu ra srata ra stazioni. Quando ndi nvicinammu, vittumu nu camiu ribaltatu, propriu ‘n mezzu a srata e da ‘n terra sparpagliati, scatuli chini i banani. I machini siunu firmatu e i primi automobilisti aviunu tiratu fora l’autista ru camiu, chi tuttu nsanguinatu era longu e distesu i latu a srata. Nta nu vidiri e svidiri, mentri staumu ruandu, a metà ri banani iunu scumparutu. Era nu pigghia, pigghia generali e du povuru cristu curcatu da ‘n terra, cu nu filu i vuci riciva «I banani! Mi stannu futtendu i banani!», ma nuddu u sintiva e tutti cuntinuaunu a pigghiari scatuli interi e i carricaunu nte machini. Puru i primi ru paisi chi ruarunu nsemi a nui, dopu n’attimu d’incertezza e virendu chi l’autista era vivu e chi tutti pigghiaunu banani, si ndi futtirunu i iddu e si carricarunu puru iddi comu all'autri. Ieu e Ginnaru non sapiumu chi fari, ma quandu vittumu chi non di stava rimanendu mancu na scatula, ndi cchiappammu chiù chi ndi pottimu e ndi scindimmu pa casa, lassandu du povuru disgraziatu chi inveci mi si lamenta ri feriti cuntunuava a diri «I banani! Mi futtiru i banani!».
Non vi sacciu diri comu finiu a storia, criru chi 'ncarchirunu u purtau o spitali, però vi pozzu assicurari chi sia ieu chi Ginnaru fummu solidali cu l’autri, inveci mu iutamu, puru nui nci futtimu i banani!