A sfida o bigliardu

U circulu, na vota, era u puntu i ritrou ra maggior parti i l’omini ru paisi, e d’estati, fora all’apertu, si ghiucaunu interminabili partiti a patruni e sutta (già descritte con dovizia di particolari da Arcade) e a birra scurriva a sciumara, comu puru i pisciati nta vinedduzza. Si ghiucaunu puru partiti a carti, soprattuttu a briscula e a trissetti e si litigava spissu tra cumpagni e avversari. Ma l’avvenimentu chiù importanti e chi suscitava l’interessi i quasi i tutti nto circulu, era a partita a bigliardu chi tutti i siri si faciunu Vinvenzu P. , u masru muraturi, e nToni B. , u delegatu i Favazzina. Si vuliunu beni comu a du frati e cumpari Vincenzu, quando ghiucaunu, u chiamava affettuosamenti Ntoniucciu, chiù pi autru mu sfutti, pirchì cumpari nToni era ncazzusu assai.
Cumpari nToni era scarsu a ghiucari a bigliardu e vinciva sempri cumpari Vincenzu, ma iddu non si rindiva mai e tutti i siri u sfidava davanti a na platea numerosa, chi si sciaccava ri risati. Era nu spassu vidirli ghiucari, cu cumpari Vincenzu chi si divirtiva comu nu figghiolu e cumpari nToni chi si ncazzava comu na bestia. U bellu era chi cunpari Ntoni era quasi sempri in vantaggiu, poi siccomu era nu tipu assai nerbusu, sutta a tutti d’occhi cu vardaunu e anchi pirchì cumpari Vincenzu non smittiva mai i ridiri e u schirzava a ogni puntu chi faciva, versu a fini si emozionava e cuminciava a sbagliari rigalandu punti o so avversariu, iestimandu e nnervusendusi sempri i chiù. All’urtumu, quandu cumpari Vincenzu era ormai sicuru i vinciri, prima mi faci l’urtumu tiru, cu nu rituali chi si ripitiva tutti i siri, si firmava n’attimu a vardari tutti nta faccia, poi ropu chi tirava e iva chiurutu a partita, pusava a sticca supra u bigliardu, nci faciva nu ballettu davanti, nci cacciava a coppula e u basciava supra a frunti e nci riciva « Grazi nToniucciu!». Poi si pigghiava a birra chi va vinciutu e sa mbiviva a so saluti, mentri cumpari Ntoni, schiumandu rabbia i tutti i parti e cu tutti quanti chi ririunu divertiti, nci lanciava subitu a sfida pa sira ropu!