'NTA 'STU PAISI 'NC'ESTI SULU 'A PIRIA

'Nta 'stu paisi 'nc'esti sulu 'a piria, 'a strufuttenza fissa, a 'grandi bboria; n'ta 'stu paisi cunta sulu a 'mbiria, pirciò non sunnu tutti chi cicoria... Erba nana ed amara, erba pirduta: senza mâ provi, 'a ggiùrichi â viruta; e cca, sarbu a carcunu di ll'affritti, su' tutti storti ammanicati ddritti! Nani su' iddi e vonnu a tutti nani; nci vannu terra terra, peri e mmani; e, pâ malignità bbrutta e superba, cca non crisci chi erba, erba, erba... Arburi?... Si ccarcunu 'ndi sciurisci, 'nci minunu petrati non mmi crisci... Arburi, nenti!, comu all'âtri baandi, ch'unu s'asciala chi mmì viri randi!... Ambatula tu fai.. Rresti cu 'ngagghiu... Si senti sempri chi 'nc'è fetu d'agghiu... Cca 'a fortuna non varda a ccu' s'annaca, ma passa ammenzu all'erba mi 'nci caca... Paisi d'erba i ventu' e non di pianti: va facitila a 'n culu tutti quanti! Si 'nc'esti 'nu cartellu aundi rici: “Sti 'ggenti tra di iddi su' nnimici!” Nimici i cui? Oh, frabbica di storti! Sunnu sulu nimici da so' sorti! Nimici d'iddi stessi pi ppuntiggiu, e i cchiù fissa dû mundu sunnu a Rriggiu!            NICOLA GIUNTA  poeta dialettale reggino