Cummari Mica

'Nte scaluni i na casicedda 'mbascia
stava cummari Mica cu na cascia,
dda rintra tiniva lenzi i turruni,
pastidda, susamelli, simenza i muluni,
luppina, 'nzuddi, lessi, castagni 'nfurnati,
fica, calia, ciciri cotti, zuccarati.
I vindiva a poco, poviredda,
non c'erunu tanti sordi 'nta vinedda,
ma saluti quantu 'ndi vulivi,
aviva cchiù i cent'anni e non nci cririvi.
Ogni tantu a morti iava ma trova
e idda 'nci riciva.."te ddocu, prova..."
e a morti 'ssaggiandu ddi bontà
rispundiva "ndi virimu ann'atrannu ccà.
Cu l'anni si stancau cummari Mica,
m'infurna sempri castagni, nuci e fica,
e quandu vinni a morti mi sa 'nchiana
nci rissi " non ti fici nenti, non aviva gana "
e a morti chi si sapi non pirduna
sa purtau cu idda a mezzoiornu o all'una.
Ristaru sulu a casicedda 'mbascia,
na conca, u furnu, e forsi puru a cascia,
e passandu certi voti i dda vinedda antica,
mi pari chi viru, a calia, a cascia e cummari Mica



PS - Vale come testo di favazzinotu per la laureanda