U fochista i capillannu

I botti i capillannu si schiumbaru
surfalora di purbiri bagnata
partunu i dda n'terra mi nchianunu pall'aria
restunu dda n'terra e nchianunu li cazzi
a botta av'a fari bum ambeci faci pif
nu piriteddu senza rumuru e senza fetu
e mancu puzza u surfuru ru scoppiu
na nuvulata i fumu senz'arrostu

U fochista chi si chiama Ferdinandu
artista premiatu e spertu fin'a tandu
iava pirdendu tempu e puru a faccia
non si dduma sta coppula di miccia
e shrica cendiri e sciuca tricchitracchi
iastima a santuroccu cu cani e cu bastuni
preia a santabarbara facitimi na grazia
sparatimi na bumba a scangiu i na candila

Esti menzanotti menu vinti menu reci
dduma pigghia non pigghia si stuta
menu cincu e Ferdinandu non ncia faci
u focu non nci ntisa e mancu u razzu
ora cu li senti a chisti ora comu fazzu
nci vulissi nu miraculu u tempu ncurcia
l'urtimu minutu ra me vita eccu comu
m'incudduriu e scianchi carta e cartoccia

Benzina e focu e tri e dui e unu
satu allancallaria a tempu zeru
nto culu all'annu vecchiu e puru o novu