a tempra virdi

Non so se era cchiu famosa a machina o u patruni, ma pi na para r'anni erunu tutt'e dui sempri nda chiazza rimembranza. uno attaccatu a l'autra, se c'era a machina, putivi stari tranquillu chi iddu era da vicinu. purtava a mari a famigghia, ma iddu non si fici mancu un tuffu pirchì aiva a controllari u so grandi amuri: A TEMPRA VIRDI, targata Torino. non si ndi futtiva se so mugghieri non cia faciva a chiantari l'ombrelluni o se i so figghi niavunu a mari, iddu non si putiva spostari i da pirchì aiva a controllari chi non ci succiriva nenti a machina. Prima a chiazza va ricurdati com'era...terra e purbiri chi si iasava, ma da tempra era sempri splendenti, pirchì ogni tantu nci girava intornu cu nu pannu e a spurbirava. ogni tantu, pi ririri un pocu, passavumu vicinu a machina e iddu ndi vardava sospettoso e prioccupatu, na vota mi ricordu chi ficimu finta mi ndi pigghjamu a petrati e tirammu nu limuni, iddu era sittatu nde scaluni i p...ia e comu vitti na cosa vulari vicinu a machina iasau a testa comu u periscopiu i nu sommergibili, prontu mi si iasa, pi difendiri u so amuri.na vota passiavu cu capu chi si girau veru a machina e si mpuiau, subitu u patruni scattau a dritta e nci rissi mi si luntana. u capu subitu nci rissi""Ma pirchì non vi ndi iati a mari?"" e iddu nci rispundiu ""E a tia chi t'interessa? ieu staiu bonu ca!""