U fochista ra vigilia

Sugnu nu fochista chi dduma micci e spara razzi bumbi e trictrac. Sugnu nu fochista fu fochista e di Vicenzina vivente anni novantadui tantu pi diri c'aimu u misteri nto sangu me patri sparava da Gioiosa a Rosarnu artificiere ri du mari u maru su stutau na malatia u focu i santantoniu chi pi giustu non si mori ma cusì fu non sacciu non sugnu dottori. Sparu pi tutta la Calabria e limitrofa sparu pi festi patrunali menzaustu trionfini e capillanni. Apposta staiu parrandu chi ieu parru pocu mi chiamaru a Favazzina mi nci conzu u salutu all'annu novu nta chiazza rimembranza. Staiu priparandu bellu bellu puru se chiovi vogghiu fari n'opera d'arti nta du scuru nci disegnu na funtana nu zampillu nu serpenti e focu di milli culuri e rumuru di bumbi atomichi; nta du scuru nci spaccu u cielu an quattru e nci scutolu tutti i limunari ru comuni i Scilla. Stavota fazzu danni. Mi ndi futtu mi nasiaia i tuttu stu burdellu sugnu puru nu pocu ntronatu se vaia a ddiri dintra di mia sempri mi piaciu u silenziu quandu tuttu finisci a quieti ropu ra tempesta. Basta. Ora basta parrari basta sparari ndi virimu rumani sira vi spettu ammenzu o focu o infernu o paravisu potendu. Vi salutu. Ferdinandu.