Dedicato o Mister (seconda)

Caru Mister era chista chi ti spittavi?

Mister, misteri? Ma quali misteri
se eri nu libru pertu finu a ieri.
Chiuttostu chi toi interrogativi
e ura mi ndi rici aundi voi iri.
Hannalee, Georgie, Luna piena
o ti decidi o nesci fora scena,
chi fimmini, mu sai, nci voli pacenza
comu nu pisci ch’è ttaccatu a lenza,
ma se non ti movi mu tiri supra a barca
ti caca l’amu e prestu si ndi scappa.
O mister scurta i me paroli
i unu chi beni assai ti voli,
cu na fimmina mai sarai patruni
se ti va bonu resti nu cugghiuni.
Ma sunnu puru comu o paradisu
ti fannu chiangiri e ti rannu nu surrisu,
pirciò caru Mister ratti da fari
megghiu ma fimmina chi cacchi nautru mali!