Ginu e a morti

A sira quandu ndi cugghiumu i ballari, ropu chi fimmini si ndi iaunu a casa mi si curcunu, (cu caulu chi so mammi i faciunu stari fora finu e tri i notti!) ieu e i mei amici, ndi truaumu nto campu i tennis, vu ricurdati? Peppino F. (ancora non era magu) tutti i siri ndi faciva truari nu pani i Pillirina i du chili, nui u tagghiaumu a fetti e ndi faciumu a bruschetta nto furnu a ligna. Ropu ca panza china ndi mintiumu a chiacchierari. I riscursi ri maschuli i sapiti quali sunnu, prima i fimmini o u pili se preferiti, sicundu u palluni, poi chiddu chi viniva, viniva. Da sira di mintimmu mi parramu i spiriti e i tuttu chiddu chi faciva schiantari. Mariu F. ndi stava cuntandu chi na vota a na festa in maschera nta na casa i nu so amicu a Missina, si va vistutu ra morti, cu n’abitu niru chi nc’iva cuggiutu so mamma. Nta testa si va nfilatu na maschera i nu teschiu e si va cumbigghiatu a testa cu cappucciu. Ndi stava ricendu chi quandu ruau a festa vistutu cusì, appena si nvicinava a qualcunu, chiddu si lluntanava ru schiantu. U evitaunu propriu comu a morti. Ndi rissi cu u vistitu l’aviva purtatu a Favazzina e nui curiusi nci rissumu mu ndu faci viriri. Mariu si iasau e iau a casa mu pigghia e mentri spittaumu mi torna ruau Ginu P. e facendu u spiritusu comu o solitu, si sittau cu nui. Chiddi chi erumu da, ndi vardammu nta facci e ndi ficimu signu non mi nci ricimu nenti. Mariu inveci mu porta, u vistitu si l’iva mintutu e cumpariu ra vinedduzza vistutu cusì. Puru cu sapiumu, quandu u vittimu spuntari, u pilu ndi rizzau ra paura, faciva veramenti mprissioni. Ginu era giratu ca schina e finu all’urtumu mumentu non si ndaccurgiu. Quandu vitti chi mmutulimmu e vardaumu tutti ra stessa parti, si girau, propriu mentri Mariu si cacciau u cappucciu e cumpariu a testa i mortu. Ginu ittau nu griru ra paura e ru schiantu ristau paralizzatu nta seggia, trimandu comu na fogghia. Trimava talmenti forti e riciva paroli senza senzu chi amprima pinsaumu chi stava schirzandu, ma quandu nd’accurgimmu chi non zanniava e nci stava pigghiandu ‘n corpu, nci rissimu chi era nu scherzu e subutu Mariu si cacciau a maschera. U vardava terrorizzatu e puru senza maschera, mentri Mariu si nvicinava, si cugghiva nta seggia mortu i paura. Sippi a cacciari puru u vistitu e ncippumu rari nu bicchieri d’acqua mi si ripigghia. Nci vosi nu beddu pezzu prima mi veni o soi e vi ricu a verità a ncertu puntu ndi schiantammu chi nci viniva qualcosa. Stesi sittatu tutta a sirata senza mi rici mancu na parola, mai aiva virutu a Ginu chi ricchi mbasciati i da manera e quandu fu ura mi ndi iamu pa casa, l’ippumu puru ccumpagnari. Pi concludiri, certu chi Ginu da vota sa pigghiau a cacazza.