I ciappi

Mi piace raccontarvi le nostre storie di ragazzi, per farvi rivivere, almeno spero, il nostro mondo d’allora e farvi notare come con poco ci divertivamo e come, nonostante tutto, sia rimasto ancora oggi tra noi, un legame indissolubile.

Quandu erumu figghioli, a parti u palluni, ghiucaumu a mucciatedda, a venga, a guardi e latri, o ligneddu, cu palorgiu e quandu ruava Natali chi nucuddi e, chiù i tuttu, chi ciappi.
I ciappi na vota erunu u ghiocu chiù famusu ri nosri parti, tantu chi ndi parrunu Verga nto “Mastro don Gesualdo” e Quasimodo nta poesia “Il compagno”. Ghiucaumu quasi sempri nto campu pirchì era u postu aundi nc’era chiù spaziu, ma datu chi nc’era a terra i ciappi rafaunu e nci vuliva forza mi si tirunu. Propriu nda du periudu iunu cuminciatu mi fannu i srati cu cimentu e cacchi vota iaumu mi ghiucamu o nto marciaperi ra scola o nda filanda, pirchì nto cimentu i ciappi scifulaunu megghiu. Da vota staumu ghiucandu nda filanda e nda da manu tutti l’autri iunu tiratu, mancaumu sulu ieu e Ciccio Carnera. Nce da riri chi e ciappi ieu eru assai brau e vinciva o spissu, chiddu chi ogni tantu mi futtiva e forsi era chiù brau i mia, era Gianni u Rannatu. A diri a verità nc’erunu n’autri dui chi erunu forti, Ninu Scheccia, mancinu terribili, e Roccu Nchiumbu, ma erunu unu chiù randi e l’autru chiù picculu e raramenti ghiucaunu cu nui. Comu stava ricendu, tuccava a mia mi tiru, pigghiaia a mira e tiraia a ciappa cu tanta precisioni chi si mpuiau o masru. Subitu curria mi viru, pi controllari chi carcunu non mi spustava a ciappa, puru chistu succiriva tra nui, pirchì erumu si, nu gruppu d’amici, ma erumu puru na maniata i latri. Mentri chi curriva vitti i casi intornu a mia chi giraunu e sintia a Guglielmu chi sunava i campani. I casi giraunu sempri chiù forti e ieu stava minandu da nterra, quandu, non mi ricordu cu fu, unu ri me amici mi chiappau e mi tinni a dritta. Non rinisciva mi capisciu chi era succiurutu, ma chianu, chianu turnai o mei e mi ndarcuggia chi mi sculava sangu ra faccia e mi va lurdatu tutti i vistiti, mi tuccai a testa chi mi girava comu nu palorgiu e mi nfrascai tutta a manu. «Cu cazzu fu?» spiaia «Ieu» mi rispundiu Cicciu Carnera, facendu finta chi era dispiaciutu «Ma no fici apposta!» circau mi si scusa. Iva succirutu chi ieu, mentri iava mi cuntrollu a me ciappa, iddu tirau e mi spaccau a testa.
«Non putivi spittari mi passu? Si na testa i cazzu!» e tuttu zanguliatu fuia pa casa. Pi mia l’aviva fattu apposta, pirchì puru da vota stava vincendu, non mu caccia nuddu ra testa!
Me mamma quandu mi vitti tuttu chinu i sangu si schiantau, ma poi mandau mi chiamunu a Santinu, u tassista i Favazzina, e ca machina mi purtau o spitali e u merucu dopu chi mi fici l’antitetanica, mi resi cincu punti a ncruru, a ncruru. Ma a parti u duluri, chiddu chi mi faciva chiù mali, era mi pensu chi Cicciu Carnera non aviva mai fattu centru cu nenti e, malanovami a sorti, propriu a mia du iornu ippi a centrari!