Maciste trasiu nto blog

Chista vi l’aia a cuntari soprattuttu o Longu chi nsemi a mia è chiddu cu canusci megghiu i tutti.
Aieri sira ieu e Peppi ndi sintimmu pi telefunu. Comu stai, comu non stai, dopu i soliti cosi, datu chi era i tantu chi nci riciva mi trasi nto blog, nci spiaia «Peppi trasisti nto blog?»
«No sacciu usari stu cazzu i computer, ma l’atra sira nc’era Luca e mi fici viriri»
«I liggisti i cosi chi ieu e u Longu scrivimmu supra a tia?»
«Si i liggia e mi facistu fari nsaccu i risati. Chidda ri scarpi novi poi mi fici pisciari, mi ricordu comu se fussi a ieri, quando mpaticasti a merda»
«E i fotu? I fotu i viristi?»
«Si i vitti, certu cu Longu, siccu, siccu i da manera pariva ancora chiù longu…..e tu cu di capiddi…..»
Capisciti Longu, nda ittau a tutti i dui. Allura ieu nci rissi «Però mancu tu, nda da fotu cu mia, eri na bellezza?» e ca, comu o solitu, vinni fora tutta a forza i Macisti, chi rinesci sempri mi trova u latu positiu nte cosi e mi si sarba sempri, in cacchi manera, in ogni situazioni.
«Viristi però i renti comu l’aviva ianchi?»
Longu, non sacciu a tia, ma a mia mi fici muriri ru ririri!